Jetës i ka hije ylberi
Më pyetën çfarë ngjyre i kam flokët
I pyeta çfarë ngjyre ka gjaku
Dëshira
Vetmia
Më pyetën çfarë ngjyre i kam sytë
I pyeta çfarë ngjyre kanë eshtrat
Gëzimi
Robëria
Më pyetën çfarë ngjyre e kam lëkurën
I pyeta çfarë ngjyre kanë lotët
Frika
Dashuria
Me pyetjet e tyre varg
Thurën zingjirë që ua zuri frymën
E unë thashë, buzagaz
Jetës i ka hije ylberi