Kur na humbin gjyshet
Kur të vdesë plaka
Askush nuk do të dijë
Kur duhet gatuar hitheniku
Apo cilat gjethe e lule
Shërojnë cilat sëmundje.
Shtëpia do ta harrojë
Erën e pastërmës e të pestilit.
Kur të vdesë plaka
Do të vdesin dasmat e kanagjeqet
Defin do ta hanë minjtë në tavan
Askujt nuk do t’i kujtohen këngët tradicionale
Ku nëpër dhoma plot gra e vajza
Nuk mbetej sy pa lot.
Kur të vdesë plaka
A do të dinë fëmijët
Pse lyhet muri me fara pjepëri?
Troshat e bukës do t’i hedhin në bërllog
E zogjtë e uritur
Më nuk do të sjellin këngë te dritarja