Dielli nuk më braktis

Që lotojnë mbi varrin e nënës sime

Por dielli nuk ma kthen shpinën

Nganjëherë ia lëshon udhën

Natës së zezë e të ftohtë

Që këmbët m’i ngrin, sytë m’i nxin

Por dielli nuk ma kthen shpinën

Nganjëherë ma mbush oborrin

Me hije dinake

Që guximin ma vjedhin

Por dielli nuk ma kthen shpinën

Nganjëherë rrezet e tij të ngrohta

Ia fal armikut

Por dielli nuk ma kthen shpinën

Çdo mëngjes më vjen

Shpresat m’i zgjon nga gjumi

Qëndreses sime ia ndriçon udhën

Dielli kurrë nuk ma kthen shpinën